Kooxda kubadda cagta Manchester City ayaa guul soo laabasho ah ka gaartay West Bromwich Albion oo marti ugu ahayd garoonkeeda kulan ku tirsan horyaalka Premier League, kaddib markii gool looga hormaray.
Lix daqiiqo oo qura ayey ku qaadatay West Bromwich Albion inay gaarto shaqaba kooxda ay martida u ahayd ee Man City, waxaana goolka koowaad ee ciyaarta kaga naxsaday Stephane Sessegnon, laakiin waxaa sheekadaas diiday Sergio Aguero oo 19’ daqiiqo rigoore ugu barbareeyey kooxdiisa Man City, sidaas ayaana lagu kala nastay barbaro 1-1.
Qeybtii labaad markii dib la isugu soo laabtay ayey Man City la timid goolka guusha waxaana ku hoggaamiyey Samir Nasri 66’ daqiiqo, kulankii ka dhacay Etihad ayaana ku soo dhammaaday 2-1 ay ku adkaatay kooxda Sky Blues lagu naanayso.
Man City ayaa sii fadhin doonta booska afaraad ee kala horreynta horyaalka Premier League, iyadoo leh 57-dhibcood.
SAWIRRO:
0 comments:
Post a Comment