Wolfsburg v Real Madrid
Kulanka: Lugta 1aad ee wareega 8da Champions League
Garoonka: Volkswagen Arena
Waqtiga: 9:45pm Saacada Geeska Afrika
Garsoore: Gianluca Rocchi (Italy)
Wolfsburg ayaa markii ugu horeysay abid ciyaaraya wareega 8da ee koobka kooxaha Yurub halka kooxda ay la ciyaarayaan ay ciyaareyso wareegaan markoodii 33aad, iyagoo isku diyaarinaya inay markoodii ugu horeysay isaga horyimaadaan Jarmalka.
Labada kooxood ayaa farqi weyn oo dhanka qibrad ah ay u dhaxeysaa marka laga hadlayo koobka Champions League iyadoo Real Madrid ay u ciyaareyso inay hanato koobkoodii 11aad ee koobka kooxaha horyaalada Yurub oo loo yaqaano Undecima, halka Wolfsburg oo ciyaareysa wareegaan markii ugu horeysay ay wajaheyso ciyaartii shanaad koox Isbaanish ah laakiin weligood lama aysan ciyaarin Los Blancos.
MAXAA KA CUSUB?halkan
Kooxda Jarmalka ee martida loo yahay caawa waxaa ka maqan Jung oo jilibka ka dhaawacan, halka Caliguiri uu taam ahaanshihiisa shaki ku jiro madaama uu dhaawac lugta ah qabo. Naldo ayaa isna soo laabtay laakiin weli ma uusan ciyaarin, halka Nicklas Bendtner uusan fursad u heli doonin inuu ka horyimaado Real Madrid madaama ay kooxda iska fasaxday.
Dhanka kooxda Real Madrid waxaa dhaawac kaga maqan daafaca dhexe Varane laakiin inta kale kooxdooda waa taam, balse waxaa halis ku jira Sergio Ramos, Danilo iyo Casemiro kuwaasoo haddii ay jaale qaataan caawa seegaya kulanka lugta labaad ee Santiago Bernabeu.
SHAXDA MACQUULKA AH:
Wolfsburg: Benaglio; Träsch, Dante, Knoche, Rodriguez; Guilavogui, Gustavo; Schürrle, Arnold, Draxler; Kruse.
Real Madrid: Navas, Carvajal, Pepe, Ramos, Marcelo; Kroos, Casemiro, Modric; Gareth Bale, Karim Benzema, Cristiano Ronaldo.
0 comments:
Post a Comment