Maalin wanaagsan meel walba oo joogtaan akhristayaasheena sharafta leh, waxaan idiin soo gudbineynaa sida aad inooga barateen maalin walba wararkii ugu waa weyn ee ay qoreen wargesyayda maanta oo Arbaco ah, xuquuqda iyo sugnaanshaha wararkaan waxaa ka mas’uul ah wargeysyada magacooda uu ku hor qoran yahay.
Arsenal ayaa ka fiirsaneysa inay u dhaqaaqdo xiddiga reer Argentina ee kooxda Inter Milan Mauro Icardi oo 23 sanno jir ah. (Daily Mirror)
Goolhayaha Chelsea Thibaut Courtois oo 23 sanno jir ah ayaa sheegay inuu sii joogi doono kooxda inkastoo wararka ay la xiriirinayaan goolhayaha reer Belgium kooxda Faransiiska ee Paris Saint-Germain. (Le Parisien)
Southampton ayaa ka walaacsan in tababare Ronald Koeman inuu diido inuu qandaraaska kordhiyo iyadoo hal sanno ay uga harsan tahay qandaraaskiisa, xilli uu xiiso ka helayo kooxaha Everton iyo Arsenal. (Daily Mirror)
Xiddiga khadka dhexe ee Tottenham Mousa Dembele ayaa wajahaya 10 kulan oo ganaax ah haddii lagu helo danbi ah inuu indhaha faraha ka geliyay Diego Costa intii ay socotay kulankii Tottenham iyo Chelsea. (The Sun)
Liverpool ayaa dhageysan doonta dalabyada xagaagan u imaanaya xiddiga garabka ka ciyaara 20 sanno jirka Jordon Ibe iyadoo Watford, Arsenal iyo Tottenham ay dhamaantood xiiseynayaan. (Squawka)
Antonio Conte ayaa kalsooni ku qaba inuu 45 milyan ginni kula soo wareego Gonzalo Higuain, taasoo albaabka u furi doonta Diego Costa inuu baxo xagaaga. (Daily Mirror)
Liverpool ayaa isku dayi doonta inay daafaca Ben Chilwell kala soo wareegto Lecister City xagaagan. (Daily Mirror)
Manchester United ayaa ku qasban inay Jose Mourinho siiso ugu yaraan 10 milyan ginni sannadkii haddii uu noqonayo tababarahooda cusub. (Daily Star)
Manchester City ayaa isha la raaceysa xagaaga xiddiga da’da yar ee kooxda Barcelona Abel Ruiz. (Daily Star)
Antonio Rudiger iyo Kwado Asamoah ayaa labadaba diirada u saaran tababaraha cusub ee Chelsea Antonio Conte. (Daily Express)
Manchester United ayaa dooneysa inay Arsenal ka afduubato heshiiska ay kula jirto Real Madrid ee saxiixa xiddiga khadka dhexe Isco. (Daily Express)
0 comments:
Post a Comment