Kooxda Juventus ayaa la gudoonsiiyay koobkeedii shanaad ee horyaalka Talyaaniga kadib markii ay 5:1 ku xasuuqday kooxda Sampdoria waxaana Old Lady goolashan daadka ahaa u kala dhaliyay Paulo Dybala oo laba gool dhaliyay halka Patrice Evra, Giorgio Chiellini iyo Leonardo Bonucci ay min hal gool shabaqa kaga soo taabteen toban ciyaartoy oo Sampdoria ah.
Tababare Massimiliano Allegri iyo wiilashiisa Juventus ayaa fariin adag u diray kooxda AC Milan oo ay todobaadka danbe la ciyaari doonaan finalka Coppa Italia, waxayna kulankan kaadhka cas loo taagay difaaca Sampdoria ee Milan Skriniar kaas oo qalad xun ku galay Mario Mandzukic.
Giorgio Chiellini ayaa saftay kulankiisii 400 aad ee Juventus wuxuuna ugu dabaal degay gool iyo waliba in uu kooxdiisa la gudoomay koobka Serie A-da oo ay ku guulaysteen xili ciyaareedkii shanaad oo xidhiidh ah waxaana halkeeda ka sii socota maamulka ay Old Lady u noqotay kooxaha horyaalka Talyaaniga. Haddaba halkan ka daawo sawiro ka mid ah dabaal degii Juventus ee koobkeeda Serie A-da.
0 comments:
Post a Comment