Daafaca kooxda Manchester United ee Luke Shaw ayaa ka warbixiyay halka ay mareyso xaaladiisa soo kabasho isagoo sheegay inuu rajeynayo inuu qeyb ka ciyaaro kulamada ka haray xili ciyaareedkaan.
Luke Shaw oo wareysi siinayay tv-ga Manchester ee MUTV ayaa la weydiyay inuu ka warbixiyo xaaladiisa ayaa yiri “Farxad bey ii tahay inaan ugu danbeyn cagta soo dhigay garoonka, waxaan wali garoonka la soo galaa dhaqtarka lafaha, haatan wax xanuun ah ma dareemo laakin markii hore wazaan dareemayay xanuun, lugteyda waxay daremeysaa wanaag haatan”.
“Waxaan u xiisay wax badan qolka labiska kooxda, wax badan ayaa u xiisay inaan cagta soo dhigo garoon lana tababarto kooxda, mararka qaar wey adkeyd inaan daawado kubada cagta laakin hadana haatan waxaan dareemayaa farxad, waxaan rajeynayaa inaan mardhaw garoomada ku soo laabto sidoo kalena aan ciyaaro qeyb kamid ah kulamada ka haray xili ciyaareedkaan”.
“Shaqaalaha caafimaadka kooxda ayaa iila dhaqmay si aanan caadi aheyn, waxaan ugu mahadcelinayaa si aan caadi aheyn, waa ay ku adkeyd iney ila macaamilan mararka qaar laakin haatan waxaan dareemayaa farxad, si weyn ayaa ugu mahadcelinayaa”.
0 comments:
Post a Comment