Bayern Munich ayaa markii afaraad u dabaal dagtay hanashada horyaalka Jarmalka kadib guul qurux badan oo ay ka gaareen kooxda Ingolstadt, kulan kusoo idlaaday 2-1.
Laba gool oo uu dhaliyay Roberto Lewandowsi ayaa sababtay in Bayern ay guul muhiim ah ku gaarto iyadoo marti u ah kooxda Ingolstadt waxeyna xaqiijisay markii afaraad iney ku guuleysato Bundesliga, kuna darso in horyaalkii 25-aad ay u dabaal dagtay galabta kadib guushoodii.
Bayern Munich tan iyo bilowga horyaalka lagama dhigin hogaanka horyaalka, balse iney xaqiijiso hanashada waxey kusoo aaday xili kaliya hal kulan ay gacanta ku heysato.
Todobaadkii hore ayaa la baajiyay iney dabaal dagto markii ay marti qaaday Borussia Monchengladbach balse kulankaas oo ay guul u baahneed barbaro (1-1) ah ayaa lagu celiyay, markaasna Dortmund ayaa 5-1 ku qaarijisay Wolfsburg.
Si kastaba Bayern Munich kulankeedii 27-aad ee xagaagan ayey badisay, kaliya 2-jeer ayey guuldaro la kulantay taasna waxey muujineysaa awoodda ay ku leedahay gudaha Jarmalka, arintaan ayaana kuso aadeysa xili todobaadkii lasoo dhaafay laga soo reebay Champions League.
Ugu dambeyntiina Pep Guardiola ayaa markii afaraad u qaaday Bundesliga Bayern Munich, sidoo kalana wuxuu fursad u heysataa inuu koobkii labaad la qaado madama ay Final-ka koobka DFB Pokal wada joogan kooxda kaalinta labaad ee Borrusia Dortmund.
0 comments:
Post a Comment